विराटनगर ।
ताप्लेजुङमा घरायसी विवादमा कुटपिट गरी श्रीमतीको हत्या गर्ने श्रीमान पक्राउ परेका छन् ।
ताप्लेजुङको फुङ्लिङ नगरपालिका ९ हाङदेवास्थित गाइगुडेकामा कुटपिटबाट ५४ वर्षीया कान्छी माया लिम्बूको हत्या गर्ने ५६ वर्षीय बलबहादुर साँवालाई प्रहरीले पक्राउ गरेको हो ।
शुक्रवार साँझ उनीहरुबीच सामान्य घरायसी विवाद हुँदा कुटपिटको स्थिति सिर्जना भएको थियो । कान्छीमायालाई उनका श्रीमानले खुर्पाको पछाडिको भागले प्रहार गर्दा घटनास्थलमै मृत्यु भएको थियो ।
साँवालाई पक्राउ गरी घटना सम्वन्धमा थप अनुसन्धान भईरहेको जिल्ला प्रहरी कार्यालय ताप्लेजुङले जनाएको छ ।
काेहलपुर टुडे । ७ श्रावण २०७९, शनिबार १८:१०