सल्यान, जेठ ।
सल्यानमा यात्रुबहाक बस दुर्घटनामा परेको छ । सल्यानको बागचौर नगरपालिका-९ पातिहाल्नाबाट दाङका लागि छुटेको ना ३ ख ३८८४ नम्बरको यात्रुबहाक बस बागचौर नगरपालिका-२ शारदा खोलामा दुर्घटनामा परेको हो ।
दुर्घटनामा सात जना घाइते भएको जिल्ला प्रहरी कार्यालय सल्यानका प्रहरी प्रवक्ता इन्सिपेक्टर सन्तोष खनालले जानकारी दिए । उनकाअनुसार दुर्घटनामा बागचौर नगरपालिका-८ कोटमौलाका ६३ वर्षीया चम्फा ढकाल, बागचौर नगरपालिका-८ कोटमौला ४८ वर्षीय अजमत कामी, सोहि ठाउँका ३६ वर्षीय दिपक योगी, ७५ वर्षीय लिलानाथ योगी घाइते भएका छन्।
यस्तै बागचौर नगरपालिका-९ का २३ वर्षीय मनिषा भण्डारी, छत्रेश्वरी-२ दहखोलाका २२ वर्षीय अन्जना गिरी, रोल्पाको गंगादेव गाउँपालिका(३ का डाँडापोखरीका ५८ वर्षिय दिलकुमारी खड्का घाइते घाइते भएको र घाइते सबैको अवस्था सामान्य रहेको छ ।
घाइते सबैको थारमारेमा रहेको जनप्रिय अस्पतालमा उपचार भइरहेको छ । रोकिराखेको बस अचानक दुर्घटनामा परेको प्रहरी प्रवक्ता खनालले बताए ।
बस दुर्घटनामा परेकै ठाउँमा टिप्पर दुर्घटना भएको र ओरालोसँगै बाटो साघुरो देखेपछि साइट हेर्न बस चालक गाडीलाई गेरमै राखेर बाहिर गएको समयमा बस दुर्घटनामा परेको हो ।
बसमा ३० जना बढी यात्रु सवार रहेको बुझिएको प्रहरी प्रवक्ता खनालले बताए ।
कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।
प्रतिक्रिया दिनुहोस्