कोहलपुर ।
कोहलपुर नगरपालिकामा नेपाली काँग्रेसले अग्रता कायमै राखेको छ । ११ वटा वडा मतगणना गर्दा नेपाली काँग्रेसले अझै अग्रता कायमै राखेको छ ।
नेपाली काँग्रेसले मेयर पदका उम्मेदवार पूर्ण आचार्यले १०२७६ मत प्राप्त गरेका छन् भने उनका प्रतिद्वन्द्वी नेकपा एमालेका मेयर पदका उम्मेदवार खिल प्रसाद भुषालले ९५९७ मत प्राप्त गरेका छन् । नेककातर्फका मेयर पूर्ण आचार्यले ६७९ मतले अगाडि छन् ।
यस्तै नेककातर्पmबाट उपमेयरमा संगिता सुवेदीले १०५५७ मत प्राप्त गरेकी छिन भने उनकी प्रतिद्वन्द्वी अस्मिता कुमारी थारुले १०४५८ मत प्राप्त गरेकी छिन् । नेककातर्फकी उपमेयर संगिता सुवेदीले ९९ मतले अगाडि रहेकी छिन् ।
यस्तै नेकपा माओवादी केन्द्र र एकिकृत समाजबादीको गठबन्धन गरिएको थियो । जसमा माओवादी केन्द्रको तर्फबाट मेयर पदका उम्मेदवार नरेन्द्र न्यौपानले ८३३३ मत प्राप्त गरेका छन् भने एसको तर्फबाट उपमेयरमा ४३३७ मत प्राप्त गरेकी छिन् ।
कोहलपुर नगरपालिकाका १, २, ३, ४, ५, ११ १२, १३, १४ र १५ वडा नम्बर गरी ६ वटा वडाको अन्तिम मत परिणाम को आधारमा तयार गरिएको हो । जसमा ३३५०३ मत गणना भैसकेको छ । कोहलपुर वडा नम्बर १० को मतगणना सुरु भएको छ ।
कोहलपुरमा नेकपा माओवादी केन्द्रले १, एमाले ३ र अन्य ७ वटा वडा नेपाली काँग्रेसले जितेको छ ।
काेहलपुर टुडे । ७ जेष्ठ २०७९, शनिबार १७:३८