Kohalpur Today Header Ads

बाँकेमा ‘खोज पत्रकारिता’ तालिम सुरू




काेहलपुर ।

पत्रकारहरुको क्षमता बृद्धिका लागि बाँकेमा खोज पत्रकारिता तालिम सञ्चालन गरिएको छ ।

नेपाल पत्रकार महासंघ बाँकेको आयोजना तथा नेपालगञ्ज उपमहानगरपालिकाको सहयोगमा पाँच दिने खोज पत्रकारिता तालिम सुरु भएकाे हाे । नेपालगञ्ज उप-महानगरका प्रवक्ता तथा नेपालगञ्ज १ का वडाध्यक्ष प्रमोद रिजालले उद्घाटन गर्दै पत्रकारहरुको विकास तथा प्रवद्र्धनका लागि पालिकाले विभिन्न शिर्षकहरुमा सहयोग गर्दै आईरहेको र आगामी दिनहरुमा पनि महासंघसंग सहकार्य गरेर अगाडी बढने बताएका छन ।

स्काईल्याण्ड ई.मि. स्कुल
बाल ज्याेति ई.मि. सेकेन्डरी स्कुल
बागेश्वरी ई.मि. स्कुल
LIfe Ok

यस्तै, महासंघका अध्यक्ष दामोदर भण्डारीले आगामी दिनहरुमा पनि बिधागत तालिम, रिर्पोटिङ क्रममा सुरक्षा सम्बन्धि तालिम, आर्थिक रिर्पोटिङ सम्बन्धि तालिम, लगायतका बिषयगत तालिम आयोजना गर्ने तयारीमा समेत रहेको जानकारी दिनुभयो ।

यस अघि पनि नेपालगञ्ज उपमहानगरपालिकाको सहयोगमा महासंघले एक महिने आधारभूत पत्रकारिता तालिम संचालन गरिसकेको छ ।

पाँच दिन सम्म संचालन रह्ने उक्त तालिममा पत्रकारितामा दक्ष प्राप्त राष्ट्रिय स्तरका बिभिन्न प्रशिक्षकहरुले प्रशिक्षण गर्नुहुनेछ । खोज पत्रकारिता केन्द्र नेपालका सम्पादक किरण नेपाल, नेपाल पत्रकार महासंघका पूर्वअध्यक्ष धर्मेन्द्र झा र नेपाल लाइभ डटकमका सम्पादक रामेश्वर बोहराले तालिम सहजीकरण गर्नुहुने महासंघका सचिव कमल ढांगीले जानकारी दिनुभयो । खोज पत्रकारिता तालिममा बाँकेका २५ जना पत्रकारहरू सहभागिता रहेका छन ।

काैसिल्या अस्पताल प्रा.लि.

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०७८ चैत २६ गते शनिबार