भोली सार्वजनिक विदा

सरकारले ग्याल्पाे ल्हाेसार उपलक्षमा भोलि (फागन १९ गते बिहिबार) सार्वजनिक बिदा दिने भएको छ । मन्त्रिपरिषद्को पछिल्लो बैठकको निर्णय अनुसार भोलि बिदा दिने निर्णय गरेको गृह मन्त्रालयले बुधबार दिउसो जारी गरेको सूचनामा जनाइएको छ

औपचारिक रूपमा मनाइने नयाँ वर्ष ग्याल्पो लोसार हो । तामाङहरूले पनि सोनाम लोसार नयाँ वर्षको आरम्भको रूपमा मनाउने पर्व हो । ल्होसार मनाउने समुदायले यस्ता ‘ल्हो’ अर्थात वर्ष बाह्रवटा भएको विश्वास गर्छन् । बाह्र वर्षको नाम पशुपंछी र जीवजन्तुका नामबाट राखिएको हुन्छ । जस्तै : मुसा, गाई, बाघ, बिरालो, गरुड, सर्प, घोडा, भेडा, बाँदर, चरा, कुकुर, सुँगुर वर्ष । यी बाह्र वर्गलाई यो समुदायले बाह्र राशिको रूपमा पनि लिने गरेको पाइन्छ । बाह्र वर्ष समाप्त भएपछि फेरि उही नाम दोहोर्‍याएर वर्ष गनिन्छ ।