Kohalpur Today Header Ads

ट्रम्पको आह्वानले थाइल्यान्ड र कम्बोडियाबीचकाे गोलाबारी रोकिएन




अमेरिकी राष्ट्रपति डोनाल्ड ट्रम्पको आह्वानका बाबजुद थाइल्यान्ड र कम्बोडियाको सीमामा गोलाबारी चलिरहेको छ ।

अमेरिकी राष्ट्रपति ट्रम्पले दुवै देशका नेताहरू युद्धविराममा काम गर्न सहमत भएको बताएको केही घण्टापछि कम्बोडिया र थाइल्यान्डले आज बिहानै विवादित सीमावर्ती क्षेत्रहरूमा एकअर्काका विरुद्ध आक्रमण गरेका समाचार एजेन्सी रोयटर्सले बताएको छ ।

कम्बोडियाले ट्रम्पको आह्वानलाई पूर्णरूपमा समर्थन गरेको बताएको छ । थाइल्यान्डले अमेरिकी राष्ट्रपतिप्रति आभारी भए पनि कम्बोडियाले आफ्ना नागरिकहरूलाई लक्षित गरिरहेको बेला वार्ता शुरू गर्न नसक्ने बताएको छ । यद्दपि यो दाबीलाई कम्बोडियाले अस्वीकार गरेको खबरमा उल्लेख छ ।

स्काईल्याण्ड ई.मि. स्कुल
बाल ज्याेति ई.मि. सेकेन्डरी स्कुल
बागेश्वरी ई.मि. स्कुल
LIfe Ok

आफूहरूले मध्यस्थताका लागि तेस्रो देश नचाहेको तर ट्रम्पको चासोका लागि आभारी रहेको थाइल्यान्डका कार्यवाहक प्रधानमन्त्री फुमथाम वेचाचाईले बताउनुभयो । कम्बोडियाले थाइल्यान्डले शत्रुता शुरू गरेको र थाई सेना सीमामा परिचालन भइरहेको बताएको छ । थाइल्यान्डले भने कम्बोडियाबाट भएको आक्रमणको जवाफ दिएको बताएको छ ।

दक्षिणपूर्वी एशियाली छिमेकीहरूबीच एक दशकभन्दा धेरै समयको सबैभन्दा खराब लडाइँ शुरू भएको चार दिनपछि ज्यान गुमाउनेको सङ्ख्या कम्तीमा ३३ जना पुगेको छ । दुई देशका सीमावर्ती क्षेत्रहरूबाट दुई लाख जनाभन्दा धेरै मानिसहरूलाई सुरक्षित ठाउँमा सारिएको खबरमा उल्लेख छ ।

काैसिल्या अस्पताल प्रा.लि.

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०८२ साउन ११ गते आइतबार