Kohalpur Today Header Ads

मुगुमा सामूहिक हत्या प्रकरण : पोस्टमार्टमका लागि शव सदरमुकाम ल्याइयो




मुगु ।

मुगुमा भएको एकै परिवारका चार जनाको हत्या घटनाको अनुसन्धानका लागि प्रहरी खटाइएको छ । शनिबार बिहानैदेखि अनुसन्धानमा खटिएको प्रहरी टोलीले शव पोस्टमार्टमका लागि जिल्ला सदरमुकाम गमगढी ल्याएको छ ।

छायाँनाथ रारा नगरपालिका–६ मन्दु गाउँबाट शव गमगढी ल्याइएको जिल्ला प्रहरी कार्यालय मुगुका प्रहरी नायब उपरीक्षक वीरेन्द्र थापाले जानकारी दिए । मन्दु गाउँ जिल्ला सदरमुकामदेखि २ घण्टा टाढा रहेको छ ।

स्काईल्याण्ड ई.मि. स्कुल
बाल ज्याेति ई.मि. सेकेन्डरी स्कुल
बागेश्वरी ई.मि. स्कुल
LIfe Ok

उनका अनुसार मृतक श्रीदेवीका श्रीमान दीपक बोहोरा घर आइसकेपछि मुचुल्का गरेर शव पोस्टमार्टमका लागि सदरमुकाम गमगढी ल्याउन लागिएको बताए ।

कतारमा रहेका दीपक घटना घटेपछि शुक्रबार साँझ कतारबाट हिँडेका र शनिबार बिहान ११ बजे घरमा पुगेका हुन् ।

शुक्रबार मन्दु गाउँकी २८ वर्षीया श्रीदेवी बोहोरा र उनका ११ वर्षीय छोरा मनोज बोहोरा, ८ महिनाका छोरा रहर बोहोरा र ८ वर्षीया छोरी अप्सरा बोहोराको शव घरभित्रै फेला परेको थियो । उनीहरुको धारिलो हतियार प्रयोग गरेर हत्या गरिएको अहिलेसम्मको प्रारम्भिक अनुसन्धानबाट अनुमान गरिएको छ ।

मृतक आमा श्रीदेवी छोराछोरीसहित ७ गते दसैंको टीका थाप्न उक्त वडामा रहेको माइती गाउँ कोटिल्ला गएकी थिइन् । माइतीबाट टिका, जमरा लगाएर छोराछोरी सहित उनी ८ गते बेलुका घर फर्किएकी थिइन् । उक्त राति सामूहिक हत्या गरिएको प्रहरीले जानकारी दिइएको थियो ।

काैसिल्या अस्पताल प्रा.लि.

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०८० कात्तिक ११ गते शनिबार