काठमाडौं ।
एक नाबालिगमाथि सामूहिक बलात्कारमा संलग्न आरोपमा दुईजना पक्राउ परेका छन् ।
सिन्धुपाल्चोक मेलम्ची नगरपालिका-३ घर भई काठमाडौंको टोखा नगरपालिका-६ धापासी बस्दै आएका २१ वर्षका निमा तामाङ र काभ्रेपलाञ्चोक महाभारत गाउँपालिका-७ घर भई टोखा-६ धापासी बस्दै आएका २१ बर्षका कुशल श्रेष्ठलाई प्रहरीले पक्राउ गरेको हो ।
तामाङले ९८४८७७८०२१ नम्बर प्रयोग गरेर आशिष तामाङ नाम राखी नक्कली फेसबुक आईडी खोलेर पीडितलाई साथी बनाएका थिए । फेसबुकमार्फत भेटघाटको समय मिलाएर गत फागुन ६ गते काठमाडौंको टोखामा भेटी कुशलसहितले ग्राण्डी अस्पताल नजिक रहेको गेष्ट हाउसमा लगेर सामूहिक बलात्कार गरेको प्रहरीले बताएको छ ।
पीडितले प्रहरीलाई जानकारी गराएपछि चैत २० गते काठमाण्डौं उपत्यका अपराध अनुसन्धान कार्यालयको टोलीले धापासीबाट पक्राउ गरेको अपराध अनुसन्धान कार्यालयका प्रवक्ता एसपी रवीन्द्र रेग्मीले नेपाल प्रेसलाई बताए ।
उनकाअनुसार पक्राउ परेका दुवैजनालाई अन्य थप अनुसन्धान तथा कारबाहीको लागि महानगरीय प्रहरी वृत्त महाराजगञ्ज पठाइएको छ ।
काेहलपुर टुडे । २१ चैत्र २०७९, मंगलवार १६:१४