Kohalpur Today Header Ads

काेहलपुरकाे मेयरमा सक्रिय युवा नेता आचार्य सशक्त दावी, यस्ताे छ अधार हेर्नुहाेस् ।




बैशाख ३० गते हुने स्थानीय तहको चुनाव नजिकिँदै गर्दा कुन पार्टीले कसलाई कहाँ उम्मेदवार बनाउँछ भन्ने चासो आमरुपमा छ । हरेक चोक, चिया पसलदेखि सबै स्थानमा को उम्मेदवार बन्छ भन्ने बिषयमा चर्चा चलिरहेको छ । निर्वाचन नजिकिँदै गर्दा बाँकेका ८ स्थानीय तह मध्ये यसअघि कांग्रेसले उपमेयर र धेरै जसो वडामा विजय हासिल गरेको कोहलपुर नगरपालिकामा यसपटक को(को उम्मेदवार बन्छन् भन्ने चासो सबैतिर छ ।

सत्तारुढ दलहरुबीच चुनावी गठबन्धन बनेको अवस्थामा एउटा परिस्थिति बन्ला तर कांग्रेस एक्लै लडे पनि नतिजा आफ्नो पक्षमा पार्न सक्ने स्थिति रहेकाले कोहलपुर नगरपालिकाको मेयर र उपमेयरको टिकट कसले पाउँछ भन्ने चर्चा कांग्रेस बृत्तमा छ ।

कोहलपुर नगरपालिकाको मेयरमा अहिलेसम्म बलराम शर्मा, चिन्तामणि धिताल, भानुभक्त भट्टराई, पूर्ण आचार्य सञ्जु कुमारी थारु, चक्र अधिकारी, फुलाराम थारु र राजेन्द्र श्रेष्ठले पनि दाबेदारी गरिरहेका छन् ।

स्काईल्याण्ड ई.मि. स्कुल
बाल ज्याेति ई.मि. सेकेन्डरी स्कुल
बागेश्वरी ई.मि. स्कुल
LIfe Ok

अहिलेको अवस्थामा कांग्रेसको लागि सुरक्षित मानिएको यो नगरपालिकामा आधा दर्जन बढीले दाबी गरिरहँदा महासमिति सदस्य युवा नेता पूर्ण आचार्यको सशक्त दाबेदारी छ । नगरपालिकाको मेयर लड्ने मनस्थितिका साथ आचार्य केही समय अगाडिदेखि नै तयारीमा जुटेका छन् । ूम नगरपालिकाको मेयरमा चुनाव लड्ने मनस्थिति बनाएरै अघि बढिसकेको छु, पार्टीले टिकट दिए चुनाव जित्ने आत्मविश्वास पनि छ,ू युवा नेता आचार्यले भने ।

आचार्य कोहलपुर नगरपालिकाको मेयर पदको प्रबल दाबेदार मानिएका छन् । ८ बर्षदेखि नेबिसंघ बाँकेको अध्यक्ष पदमा रहँदै आएका नेता आचार्य कोहलपुर नगरभित्र धेरै लोकप्रिय मानिन्छन् ।

कोहलपुर नगरपालिका वडा नम्बर ८ का स्थायी बासिन्दा आचार्य नेबिसंघको बिद्यार्थी राजनीतिबाट पार्टी राजनीतिमा छिर्दै बाँके कांग्रेसको जिल्लास्तरका एक प्रभाशाली युवा नेताका रुपमा चिनिन्छन् ।

युवा नेता आचार्य संकटमा समेत सक्रिय बनेका कारण सबैको प्रिय रहेको स्थानीयहरु बताउँछन् । उनले कोरोना महामारीको बेला ुहुने खानेले हुँदा खानेलाई सहयोग गरौुं भन्ने अभियान सञ्चालन गरी कोहलपुर नगरपालिका भित्रका अति बिपन्न र भोकमरीमा परेका १ हजार बढी परिवारलाई खाद्यान्नको जोहो गरेका कारण पनि गरिब दुःखीहरुको माया पाउनेमा ढुक्क छन् । यति मात्रै होइन, कोरोना सन्त्रासका कारण धेरै नेताहरु घरभित्र सीमित रहेको बेला आचार्यको सक्रियता लोभलाग्दो रहेको कोहलपुरका स्थानीयहरु बताउँछन् ।

नेता आचार्यले कोरोना महामारीकै समयमा कोहलपुर नगरपालिकाभित्र संचालित क्वारेन्टाइनमा आफ्नै ब्यक्तिगत लगानीमा हरियो तरकारी बितरण गर्दै कोरोना संक्रमितहरुका लागि स्वास्थ्य सामग्री बितरणमा पनि महत्त्वपूर्ण भूमिका खेलेका थिए । संकटका बेला गरेको सहयोगकै कारण नेता आचार्य सबैका प्रिय पात्र बनेको चर्चा सुनिन्छ ।

आचार्यले द्वन्दकालमा हत्या गरिएका नेबिसंघका नेता चोक बहादुर खत्रीको नाममा कोहलपुरस्थित त्रिभुवन माध्यमिक बिद्यालयमा १ लाख ५० हजार रुपैयाँको छात्रवृत्ति कोष र राम माध्यमिक बिद्यालय कोहलपुर १४ मा शहिद जागेश्वर थारुको नाममा १ लाख रुपैयाँको छात्रवृत्ति कोषको स्थापना गरेर सामाजिक कार्यमा एक अब्बल सहयोगी नेताका रुपमा समेत आफूलाई स्थापित गरिसकेका छन् ।

युवा नेता आचार्यले आफूलाई उम्मेदवार बनाउन पार्टी समक्ष यी आधारहरु प्रस्तुत गरेका छन् ।

१. नेपाली कांग्रेसमा ५ दशकदेखि निरन्तर निश्वार्थ र निष्ठापूर्वक पारिवारिक लगानी भएको ।

२. माओवादीको सशस्त्र हिंसामा हजारौंको संख्यामा भएका द्वन्द पीडित ९सहिद, बिस्थापित एबम् अङ्गभङ्ग भएका० परिवारको प्रतिनिधि पात्र जिउँदो शहिद परिवारको सदस्य ।

३. स्थानीयदेखि केन्द्रसम्म साझा सामाजिक संघसंस्थाहरुमा रही कुशल र सफल नेतृत्व गरेको अनुभव भएको ।

४. विगत २० बर्षदेखि नेपाल बिद्यार्थी संघको विभिन्न पदमा रही कार्य गर्दै आएकोमा पछिल्लो ८ बर्षदेखि नेपाल विद्यार्थी संघ बाँकेको जिल्ला अध्यक्ष भई कुशलतापूर्वक संगठनको नेतृत्व गर्दै आएको ।

५. पार्टीको १३औं महाधिवेशनमा तत्कालीन मध्यपश्चिम क्षेत्रबाट सबैभन्दा सानो उमेरमा महाधिवेशन प्रतिनिधि निर्वाचित भएको ।

६. पार्टीको १४औं महाधिवेशनमा लोकप्रिय मतका साथ महासमिति सदस्यमा निर्वाचित भएको ।

७. बहुसंख्यक युवा मतदाताहरुको सहभागिता रहने आसन्न स्थानीय तहको निर्वाचनमा राजनीतिसँग बितृष्णा र टाढा रहेका युवाहरुलाई नेपाली कांग्रेस पार्टीसँग जोड्न र परम्मपरागत पार्टी ९बुढो पार्टी० को बुढो सोच भन्ने आरोपलाई खण्डन गर्न ।

८. बिश्वबिद्यालय तहको शैक्षिक योग्यता हासिल गरेको, पार्टीप्रति समर्पित, क्रियाशील र पार्टीको हरेक निर्णयका पक्षमा अनुशासित र मर्यादित रही आफ्नो कर्तब्य पूरा गरेको ।

९. समग्र कोहलपुरको विकास र समृद्धि प्राप्तिमा विभिन्न वर्ग, जात, लिङ्ग, क्षेत्र र समुदायको पाको र पछिल्लो पुस्ताको सेतुका रुपमा प्रस्तुत हुन सक्ने विश्वास रहेको ।

१०. नेपाली कांग्रेस पार्टीले बजार क्षेत्रबाट मात्रै उम्मेदवार बनाउँछ भनेर लाग्ने गरेको आरोपलाई चिर्न ।

काैसिल्या अस्पताल प्रा.लि.

कोहलपुर टुडेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकमा पनि जोडिन सक्नुहुन्छ ।

प्रकाशित मिति : २०७८ चैत २३ गते बुधबार