चौतारीदेखि घरदैलोसम्म, बाँके–२ मा बिष्टको नाम

नेपालगन्ज । बाँके क्षेत्र नं. २ मा प्रतिनिधि सभा निर्वाचन नजिकिँदै जाँदा चुनावी माहोल तीव्र रूपमा बदलिँदै गएको देखिएको छ। युवा उम्मेदवार दिपेन्द्र बिष्टको सक्रियता र जनतासँगको प्रत्यक्ष संवादले उहाँको प्रभाव उल्लेखनीय रूपमा बढेको स्थानीयवासीहरूको भनाइ छ।

घरदैलो अभियानका क्रममा बिष्टको उपस्थिति सबै २७ वडामा फैलिँदै गएको बताइन्छ। स्थानीयहरूका अनुसार उहाँले जनताको कुरा ध्यानपूर्वक सुन्ने र अपनत्व देखाउने शैली अपनाएका कारण मतदाताबीच सकारात्मक सन्देश गएको छ। कतिपय स्थानमा उहाँलाई फुलमाला र अबिरसहित स्वागत गर्न थालिएको दृश्य पनि देखिएको छ।

राजनीतिक विश्लेषकहरूका अनुसार बिष्टको युवा छवि, सरल स्वभाव र प्रत्यक्ष संवादको रणनीतिले प्रतिस्पर्धी उम्मेदवारहरूलाई दबाबमा पारेको छ। यद्यपि अन्तिम परिणाम आउन बाँकी नै भए पनि हाल देखिएको जनसमर्थनले बाँके–२ मा प्रतिस्पर्धा थप रोचक बन्दै गएको संकेत दिएको छ।

मतपेटिकाले अन्तिम फैसला गर्ने भए पनि अहिलेको माहोलले परिवर्तनको संकेत गरिरहेको स्थानीयहरूको बुझाइ छ।