सबै सहकारी डुबेका छैनन् : हरि कठायत

भगवती पोख्रेल, कोहलपुर । सृष्टि बहुउद्देश्यीय सहकारी संस्थाले १७ औं वार्षिक साधारणसभा सम्पन्न गरेको छ । कोहलपुर नगरपालिका वडा नं .२ कृष्ण नगरमा रहेको संस्थाले साधारण सभा सम्पन्न गरेको हो । उक्त साधारणसभामा बोल्दै कार्यक्रमका प्रमुख अतिथि एवम् कोहलपुर नगरपालिका वडा नं -२ का वडाध्यक्ष हरिकठायतले सहकारी संस्थाप्रतिको आम धारणा नकारात्मक भएको विचार व्यक्त गरे ।

उनले कोहलपुर नगरपालिका भित्र रहेका कुनैपनी सहकारीले आम नागरिक र सर्वसाधारणको पैसा लाई कुनैपनी हालतमा संरक्षण गरि आवश्यक परेकोबेला सहकार्य गरि आर्थिक समस्या समाधान गर्नुपर्नेमा जोड दिए । उनले सहकारी लाई सर्वसाधारणको नजरबाट गिरावट हुन नदिन सहकारी संस्थाको नियम, विधानमा रहि काम गर्नुपर्नेमा जोड दिए । ऋण लिने तर तिर्न नसक्ने शेर सदस्य र सहकारीको नेतृत्व गर्नेहरुले बचत कर्ताको पैसा हिनामिना गरेको कारण आम नागरिकहरु सहकारी प्रती डराउने गरेको वताए ।

उनले उपप्रधानमन्त्री एवम् गृहमन्त्री भएका रवि लामिछाने जस्ता त सहकारीको पैसा हिनामिना गरेकोले जेल जानुपर्ने भएकोले अन्यले हिनामिना गरे छुट नहुने समेत वताए ।

कार्यक्रममा बोल्दै मध्यपश्चिम विश्वविद्यालय वागेश्वरी बहुमुखी क्याम्पस कोहलपुरका उपप्राध्यापक एवम् ज्ञानोदय सामुदायिक पुस्तकालय तथा स्रोत केन्द्र कोहलपुरका सचिव एकराज शर्माले  पछील्लो समय सहकारी संस्थाप्रती नागरिकमा नकारात्मक सोच पैदा भएको वताए । उनले सबै सहकारीहरु नडुबेको जानकारी दिए ।

सहकारीले कस्तो व्यक्ति वा संस्था र समुह लाई ऋण प्रवाह गर्ने, ऋण असुली कसरी गर्ने भन्ने कुराको सुनिश्चितता नभई लगानी गरेको र सहकारीको नेतृत्व गर्नेहरुले जथाभावी गरेकोले समस्या आएको वताए । जसको कारण सर्वसाधारणले एक छाक नखाई जम्मा गरेको रकम हिनामिना हुने गरेको वताए । उनले सहकारीमा पैसा लिदा अनेक विन्तिभाउ गर्ने र सांवा र व्याज समयमा तिर्न नखोज्ने बानीको कारण सहकारीप्रती आम नागरिकको चासो नभएको वताए ।

कार्यक्रममा बोल्दै ब.स.स.लि. संस्थाकी कोषाध्यक्ष  माया गौतमले सहकारी सर्वसाधारणले स्थापना गरेकोले संरक्षण गर्ने जिम्मेवारी पनि शेर सदस्यहरुको नै भएको वताईन । उनले सहकारीमा शेर लिन तर बचत बाहिर गर्नु राम्रो नभएको वताईन ।

कार्यक्रममा कोहलपुर नगरपालिका वडा नं -१ का पुर्व वडाध्यक्ष गोपि खनाल, वडा नं -२ का पुर्व वडाध्यक्ष कर्ण विसि लगायतले सहकारीको बारेमा आ आफ्नो विचार राखेका थिए ।

सृष्टि बहुउद्देश्यीय सहकारी संस्थाले  थिर बहादुर बुढाको नेतृत्वमा नयाँ कार्यसमिति  सर्वसम्मत चयन गरेको छ । जसको उपाध्यक्षमा नवराज भन्डारी, सदस्यहरु मोहन राज कडेल, रत्न कुमारी थापा, धनकृस्णा न्यौपाने, निना विसि, गंगा कुमारी खत्री गरि सात सदस्यीय कार्यसमिति र लेखासमिती संयोजकमा  रविलाल भन्डारी रहेको लेखा समिति छनौट गरेको छ । जसमा तिलक बुढा मतवाला र हर्सिना मगर गरि ३ सदस्यीय लेखा समिति छनौट भएको निर्वाचन मन्डलका सदस्य एकराज शर्माले जानकारी दिए ।

संस्थाले आ.व. २०८०/०८१ को आयव्यय रु ७,०२१,२९५३/२४ आ.व. २०८०/०८१ को स्थिति विवरण २,९४,४५,४५४/५४ रहेको छ । जसमा शेर पुंजी ५३,०३००० रहेको र ६५३ जना शेर सदस्य संख्या रहेको सहकारीका व्यवस्थापक उदय बहादुर बुढाले जानकारी दिए ।