नेपालगन्ज ।
नेपालगन्जमा नेवाः देयः दबू बाँकेको आतिथ्यमा नेवाः देयः दबूको केन्द्रीय विधान अधिवेशन हुँदैछ ।
नेवाः भाषा, कला, संस्कृतिको संरक्षण, संवर्धन र प्रवर्द्धन गर्ने प्रमुख उद्देश्यका साथ स्थापित नेवाः हरुको साझा छाता संगठन नेवाः देयः दबूकाे अधिवेशनमा सहभागी हुन ६८ जिल्लाका करीब ४ सय जना नेवा: प्रतिनिधिहरु नेपालगन्ज आउन लागेका छन् ।
शुक्रबार बिहान मगर , गुरुङ्ग , थारु , पञ्चे बाजा , शिख समुदाय लगायतको जातिय संस्कृति झल्किने खालका झाँकीहरु विशाल र्यालीमा सहभागी गराइनेछ । साथै भेरी इ.मि. हाईस्कुलबाट पाँच कुमारी समेत सबै जातजातिलाई समेटेर तयार गरिने छ ।
काठमाडौंबाट पनि नेवाः हरुको अत्यन्तै लोकप्रिय र चर्चित नृत्य लाखे नाच , धिमे बाजागाजा सहित कुमारी नाच , टिपिकल नेवारी नृत्य पनि अधिवेशन पूर्व आयोजना गरिने र्यालीमा प्रदर्शन गरिने छ ।
शुक्रवार विहान ८ बजे भानुचोक न्यूरोडमा भेला भई विभिन्न झाँकी सहितको विशाल र्याली धम्बोझी चोक , घरबारी टोल , बागेश्वरी टोल , त्रिवेणी मोड , सदरलाइन , त्रिभुवन चोक , रानी तलाउ , गगनगन्ज हुँदै अधिवेशन स्थल डिएसपि रोड स्थित म्याजेस्टिक पार्टी प्यालेसमा पुग्नेछ ।
काेहलपुर टुडे । १६ पुष २०७८, शुक्रबार ०९:०८