राजापुरमा गाडीको ठक्करले मोटरसाइकल चालकको मृत्यु, स्थानीयद्वारा सडक बन्द

बर्दिया । 

बर्दियाकाे राजापुरमा गाडीको ठक्करले मोटरसाइकल चालकको मृत्यु भएकाे छ ।  लु २ ख ५९१९ नम्बरको फोर्स गाडीले भे ४ प ७८३ नम्बरको मोटरसाइकललाई ठक्कर दिएपछि मोटरसाइकल चालक राजापुर–८ का ५४ वर्षीय चेतुका थारुको मृत्यु भएको हाे ।

स्थानीयका अनुसार तीव्र गतिमा रहेको उक्त गाडीले मोटरसाइकललाई ठक्कर दिएको प्रहरीले जनाएकाे छ । गाडीका चालक बाँके नेपालगन्ज–४ का विकास सिंह ठकुरीलाई प्रहरीले नियन्त्रणमा लिएको जनाएको छ ।

मृतकका आफन्त र स्थानीयले सोमबार बिहान ७ बजेदेखि चक्काजाम गराएपछि आवतजावत ठप्प भएको छ ।