भेरी अस्पतालमा सुर्खेतका कोरोना संक्रमित पुरुषको मृत्यु

बाँकेमा उपचाररत एक पुरुषको कोभिडबाट मृत्यु भएको छ । भेरी अस्पताल नेपालगन्जको कोभिड वार्डमा उपचाररत भेरीगंगा नगरपालिका वडा नम्बर ३ सुर्खेतका ९० बर्षीय पुरुषको आज साँझ पौने ७ बजे मृत्यु भएको जिल्ला कोभिड संकट व्यवस्थापन केन्द्र बाँकेका फोकल पर्सन तेज वलीले जानकारी दिए ।

माघ २० गते मेडिकल कलेजमा कोरोना परीक्षण गराउँदा पोजिटिभ रिपोर्ट आएका उनी २२ गते भेरीको कोभिड वार्डमा भर्ना भएका थिए । उनले कोरोना विरुद्धको दुबै मात्रा खोप लगाएका थिए ।

अहिलेसम्म बाँकेमा उपचाररत बाहिरी जिल्लाका ४४५ जना कोरोना संक्रमितको मृत्यु भएको छ भने बाँकेका ३५० जनाको कोभिडबाट मृत्यु भएको छ ।