काठमाडौं ।
गुगलले आफ्ना एन्ड्रोइड प्रयोगकर्ताहरू र क्रोम प्रयोगकर्ताहरूका लागि नयाँ ‘पासकी’ “Passkeys” नामक फिचर ल्याउन लागेको छ, जसको मद्दतले प्रयोगकर्ताहरूले गुगल क्रोम र एन्ड्रोइड उपकरणहरूमा पिन बिनानै बायोमेट्रिक (औंठाछाप वा फेस आईडी) बाट लगइन गर्न सक्नेछन्।
यो कुनै पनि वेबसाइट र एपको लागी प्रयोग गर्न सकिन्छ। उदाहरणका लागि, तपाईं फेस आईडी वा फिंगरप्रिन्टको साथ फेसबुकमा लगइन गर्न सक्षम हुनुहुनेछ। गुगलले पासकी प्रयोग गर्दा पासवर्ड प्रयोग गरेजस्तै सुरक्षित हुने बताएको छ।
पासकी हाल विकास मोडमा
यस वर्षको मे महिनामा माइक्रोसफ्ट, एप्पल र गुगलले ‘कमन पासवर्डलेस साइन इन’ सेवाको घोषणा गरेका थिए। अहिले यी तीन कम्पनीहरूसँग मिलेर वर्ल्ड वाइड वेब कन्सोर्टियम (डब्लु३सी) र फिडो गठबन्धनद्वारा पासकी तयार गरिएको छ, यद्यपि यो सुविधा हाल विकासकर्ताहरूको लागि मात्र परीक्षणका लागि दिइएको छ। यसको अर्थ यो हाल यसको विकास मोडमा छ, तर यो चाँडै सबै प्रयोगकर्ताहरूको लागि रोल आउट हुने भनिएको छ।
यो नयाँ पासवर्ड विधि गुगल पासवर्ड म्यानेजरसँग सिंक गरिएको छ। यस्तो अवस्थामा तपाईले नयाँ फोनमा पासवर्डको बारेमा चिन्ता लिनु पर्दैन। यस मार्फत पुरानोबाट नयाँ फोनमा पासवर्ड सजिलै ट्रान्सफर हुनेछ।
यस बाहेक गुगलले यो पासवर्ड पूर्ण रूपमा एन्ड-टू-एन्ड इन्क्रिप्टेड बनाइएको बताएको छ। स्मरण रहोस् यो सुविधा आईओएसमा पहिले देखि नै छ। यसैगरी जसको स्मार्टफोनमा फिंगरप्रिन्ट सेन्सर जस्ता सुविधाहरू छन्, उनीहरूले यसलाई सजिलै प्रयोग गर्न सक्ने गुगलले भनेको छ। अब यस्तो अवस्थामा जोसँग यो सुविधा छैन, उनीहरूले अन्य कम्प्युटर वा उपकरणहरूमा लगइन गरेर पासकी प्रयोग गर्न सक्नेछन्।
कुनै पनि एन्ड्रोइड उपकरणमा सिर्जना गर्न सकिने
टेक जायन्टकाअनुसार पासकी जुनसुकै एन्ड्रोइड उपकरणमा बनाउन र प्रयोग गर्न सकिन्छ। यसका लागि क्लाउड-सर्भिसमा ब्याकअप गर्न आवश्यक छ, किनभने जब प्रयोगकर्ताले पुरानो डिभाइसबाट डाटा स्थानान्तरण गरेर नयाँ एन्ड्रोइड उपकरण सेटअप गर्छ, गुगलका अनुसार अवस्थित एन्ड-टु-एन्ड इन्क्रिप्सन पासकी सुरक्षित रूपमा नयाँ उपकरणमा स्थानान्तरण हुनेछ।
काेहलपुर टुडे । ३० आश्विन २०७९, आईतवार १०:५८